बुटवल उपमहानगरपालिकाको कार्यालयमा खोलिएको राष्ट्रिय बाणिज्य बैंकको  काउण्टर मंगलबार नगर प्रमुख खेलराज पाण्डेयले उद्घाटन गर्नुभयो ।
काउण्टरको उद्घाटन गर्दै पाण्डेयले उपमहानगरपालिकाको राजस्व संकलनका साथसाथै बुटवल बजार क्षेत्रलाई समेत लाभ हुने बताउनुभयो ।
‘बुटवलको यस आसपासको बजार क्षेत्रलाई समेत यो काउण्टरले सेवा दिन सक्नुपर्छ’–उहाँले भन्नुभयो । उहाँले बैंकले विपन्न परिवारलक्षित कार्यक्रम ल्याउन आग्रह गर्नुभयो ।